Aizawl: Mizoram Universal Health Care Scheme (MUHCS) zawmtu damdawi inten chatlak lova sum an hmuh theih nan advance-in sum sanction thin an ni dawn.
Finance Department Office-in memorandum a tihchhuahah, Mizoram State Health Care Society in Quarter khat (thla tum) ral hmain MUHCS zawmtu damdawi inte tan anticipated claim amount-a chhut zat anga sanction thin a ni dawn.
MUHCS tluang taka kalpui a nih theih nana April ni 14, 2025 a 12th Preliminary Commmitee thukhawm chuan ruahmanna hrang hrang a siam a. Chung an ruahmanna bawhzuina pakhat atan MUHCS zawmtu damdawi in te’n chatlak lo a sum an hmuh theih nan Finance Department in advance-in sum a sanction thin dawn a ni.