A pasal hlui nen buaina an neih hnu leh hnehna a chan zawh loh hnuin a reh vang vang a, tunah chuan a eizawnna lamah bung thar kai tumin Amber Heard pawh a rawn let leh dawn ta.
Kum 39 mi lemchan thiam hian thawhlehni, June ni 24 khan a instagram lamah thlalak hrang hrang pholangin, lemchan khawvel lama a kir leh thu a rawn puang a ni.
Heard hian playwright Jeremy O. Harris nen an selfie-na te pawh tarlangin, a lemchan thawnthu ziah a chang dawn niin a sawi a, Brandon Flynn leh Lio Mehiel te nen an inkawp dawn niin a tarlang.
Kum 2023 hnua acting role a play leh na hmasa ber tur hi ‘Spirit of the People’ tih a ni dawn a, amah pawh a phur tawh hle.
Heard hian kum 2022 khan a pasal hlui Johnny Depp nen court-ah inkhingin, hnehna a chang zo lo a. Amah pawh hi Madrid lamah a insawn zui bawk a ni.