Aizawl: Mizoram Assembly Speaker Lalbiakzama chuan Mizoram Universal Health Case Scheme (MUHCS) chu sum harsatna lian tak karah sorkarin mipui hmakhaw ngaiin a kalpui tih a sawi.
Nimin zing khan Chalfilh bialtu MLA ni bawk Lalbiakzama chuan a MLA fund atanga sak, Phuaibuang PHC Morque House sak a hawng a. Bial chhung mipuiten hriselna lama an mamawhte theihtawpa a bawhzui reng thu a sawi.
Speaker Lalbiakzama chuan MUHCS-ah chhungkaw tinte chu inziak lut vek tura sawiin, “MUHCS chu a thlawna inenkawlna (cashless) a ni a, mi tam takin an chhawr tangkai mek a, inziaklut an pun zel a ni,” tiin sum harsatna lian tak kara sorkarin mipui hmakhaw ngaia a kalpui thu a sawi.
Bialtu MLA hian chhung lamah Tuivai Zone & SADVA cum MLA Cup Women Volleyball Champion 2025 lawmna, Presbyterian English School Compound, Daido-ah khuallian niin a hmanpui bawk.