AZL: Aizawl South II bialtu MLA Lalchhuanthanga’n a bial chhunga Salvation Army enkawl mek, Mualpuia Muanna Ina naupang enkawl mekte tan, Mualpui 3rd Battalion MAP English Medium School-ah zirlai 20 tan admission a tihsak.
ZPM Treasurer hian nimin khan 3rd Battalion MAP, Mualpui-a English Medium School chu nimin khan tlawhin thu a sawi.a Muanna In naupangte chu MLA a nih tirh atanga a thlahthlam loh thu leh, tun dinhmuna pui thei tura Pathianin a hruai zelnaah lawmthu a sawi a, a tul ang anga puih zel a inhuam reng thu a sawi.
Lalchhuanthanga chuan 3rd Battalion MAP English Medium School in nasa taka hma an sawi zel theih nan theihtawp an chhuah ho zel tur thu a sawi a. An mamawh leh harsatna te chu chu Commandant kal tlangin a hnenah thlen zel tura chahin, sorkar-ah a tul angin an bawhzui zel tur thu a sawi bawk.
Bialtu MLA hi 3rd Battalion MAP Commandant Lalringdika, Principal Catherine Lalrinmawii leh zirtirtuten an dawngsawng a. Home naupangte admission tihna tur sum a hlan nghal a ni.