Hun engemaw chen ngawih a chuh hnuah Pierce Brosnan chuan amah thlak tura Daneil Craig an lakluh khan inchhirna leh hrehawm tihna engmah a neih loh thu a sawi.
Kum tam tak kalta atang tawha Hollywood film lar ber zinga tel pha James Bond film-ah hian a changtupa an lo awm nual tawh a. Dr. No atanga No Time To Die thlengin mi paruk chu hneh takin an inlan.
James Bond film pali- GoldenEye, Tomorrow Never Dies, The World Is Not Enough leh Die A-nother Day-a inlan Brosnan hian film pangana tur a beisei viau laiin, producer te chuan hmel thar an melh ta zawk si a, a tum leh beisei a thlawn chiang hle. “James Bond lema ka chan avang khan in-chhirna ka nei lova, lemchan khawvela ka zuanluh vang pawhin ka inchhir lo bawk. Chu bakah inchhir hian awmzia engmah a nei lova, tawrhna mai a ni.
“Bond lema ka chan khan ka tan chuan thilthlawnpek liau liau a ni a, career duhawm tak min siamsak,” tiin 2002 kuma Die Another Day a chan hnu-a sawmzui hlawh tawh lo, Brosnan hian a sawi.