AZL: Khawlian khuain Chalfilh bialtu MLA Lalbiakzama chu nimin zing khan chawimawina an hlan.
Chalfilh bialtu MLA hian nimin khan a bial fangin, Khawlian YMA Hall-ah Khawlian khaw mipuite nen hun hmangin, Khawlian khua hian an bialtu MLA hi chawimawina an hlan a ni.
Speaker ni bawk Lalbiakzama chuan inthlahrung taka chawimawina a dawn thu sawiin, chawimawina chuan mawhphurhna a ken tel thu leh, ram leh hnam tana a thawhna kawngah fuihtu a nih tur thu a sawi.
Bialtu MLA hian zirlai titha te lawmpuina a hlan a, zirlaite chu an zirna leh hriselna ngaipawimawh turin a chah.
VC member-te chu party hrang hrang VC an nih pawhin, inthlahrung lo tur leh ram hmasawnna turah chuan dik tak leh fel taka thawkho zel turin a chahin, thil tihtheih ngei turte zirho zel chunga thawhho a that thu a sawi bawk.