Khawvel ram hrang hranga hman a nih angin nimin khan Mizoram Excise & Narcotics Department chuan International Day against Drugs Abuse & Illicit Trafficking an hmang a. He ni denchhenin Aizawl-ah ruihhlo Rs. 20,24,77,472.33 man hal ral a ni.
END hian ruihhlote hi Muallungthua F Rinchungnunga farm-ah an hal ral a. Lunglei West bialtu MLA T. Lalhlimpuia’n khuallian niin a hman puiin, ruihhlo dona thuchah a sawi bakah ruihhlo man sa, court-in tihral a phalsak tawhte chu mei dep kaiin a hal ral.
Ruihhlo halral hun hi Commissioner of Excise & Narcotics Z. Lalhmangaiha’n a kaihruai a. Report kimchang leh ruihhlo halral zat te Deputy Commissioner of Excise & Narcotics (Enf.) Ngurthanzama Sailo-in a pe a. Joint Commissioner of Excise & Narcotics (Admn.) R. Laldinsanga chuan lawmthu sawina hun a hmang bawk.
Ruihhlo hmansual leh tawlhruk dona ni hi NCB official te pawhin an telpui bawk.
- Ruihhlo halralte –
Heroin kg 25.284
Total value – Rs. 7,70,66,058.72
Rate per unit – Rs. 30,48,000.00
Ganja kg 202.379
Total value – Rs 16,19,035.68
Rate per unit – Rs. 8,000.00
Methamphetamine kg 32.734
Total value – Rs 4,91,01,000.00
Rate per unit – Rs. 15,00,000.00
Crystal Meth kg 49.061
Total value – Rs 7,35,91,500.00
Rate per unit – Rs. 15,00,000.00
Alprazolam gram 611.900
Total value – Rs 83,218.40
Rate per unit – Rs. 136.00
Nitrazepam gram 5,308.900
Total value – Rs 7,22,010.40
Rate per unit – Rs. 136.00
Codeine base cough Syrup gram 60013.160
Total value – Rs 1,62,035.53
Rate per unit – Rs. 2.70
Clonazepam gram 23.100
Total value – Rs 3,141.60
Rate per unit – Rs. 136.00
Tramadol gram 952.000
Total value – Rs 1,29,472.00
Rate per unit – Rs. 136.00
GRAND TOTAL Rs 20,24,77,472.33