Aizawl: Information & Public Relations (I&PR) leh Mizoram Journalist Association (MJA) tangkawpina an buatsaih ‘Media Workshop’ chu nimin khan Saitual-ah neih a ni.
Media Workshop hi Saitual DIPRO F. Zodingpuii’n a kaihruaiin hun hman a nih chhante a sawifiah a ni.
Workshop-ah hian Lengzem editor thuziak ‘Traditional Media and New Media’ leh PUC Mizo Dept HOD Dr. H. Laldinmawia thuziak ‘Mizo |awng Ziak dan dik’ tih chu Isaac Lalrinfela leh C. Rammawizuala, MJA Saitual-te kaihhruaina hnuaiah zirin, thupui zirhona atang hmasawnna tur hrang hrang kalkhawmte an sawiho nghal.
Nimin vek khan MJA Kolasib Press Club ah DIPRO Kolasib leh MJA Kolasib buatsaihin media workshop neih a ni a. He hunah hian Lalmuan Puia, PD (DRDO) chu khuallian niin a hman pui a. Kolasib atanga PhD Degree hmu pahnih, Dr R Laltlanzova leh Dr Ricky Lalawmpuia te chu khualzahawm niin an hmanpui bawk.
MJA Kolasib President Andrew Vanlalauva kaihhruainaa hun hmanah Vanneihtluanga ziah leh Dr H Laldinmawia thuziak atangin C Zomuanpuia leh Zairemchhunga-te’n kalkhawmte an zirtir a ni.
Workshop ah hian Kolasib YMA branch pahnih atangin YMA chanchinbu editor te an tel bawk.