Aizawl West II bialtu MLA Lalnghinglova Hmar hovin PWD thawktuten Tuikual North, A-Mual, veng mawng ping ni thin chu Khatla Veng nena lirthei inkalpawh theihna turin kawngpui siamna tura ruahmannate nimin khan an en fiah.
Sports minister ni bawk, Lalnghinglova Hmar chuan Aizawl Tuikual leh Dinthar veng mipuite harsatna lian tak pakhat chu inkalpawhna kawng tha tawk lo hi a nih thu a sawi a; ruahman danah chuan kawng thar siam tur chuan Govt. JL High School, Khatla atangin Tuikual North a zawm ang a, MICE school thlangah kalin Dinthar a pawh theih ang a. Tihhlawhtlin a nih chuan Aizawla traffic jam thin pawh nasa taka a chhawk ngei a beisei thu sawiin tihhlawhtlin a nih thuai theih nan hmalak mek a nih thu a sawi.
Bialtu MLA hova kawng siamna tur en honaah hian khawtlang hruaituten an tawiawm bawk.