Rebecca Saimawii chuan inrinni khan a mamawh apiangte hman turin a thlawnin thisen a pe leh.
Mizo Idol judge hlui hian Bangalore lamah music zirtir hna a thawh mek karah, tun lai hian Aizawl-ah chawlh a hmang mek. Chawlh hun remchangah hmangin, Civil Hospital, Aizawl blood bank-ah a thlawnin thisen a pe a ni.
Ti hian, Makuri hian a mamawhtu apiangin an hman theih turin, a thlawnin thisen vawi 87 a pe tling ta. Hriat theih chinah, Mizo hmeichhe zinga a thlawna thisen pe tam ber a ni.
Hman deuh khan, Makuri hian Pathianin hriselna a pek a, harsatna dang a neih loh chuan a thlawna thisen vawi 100 pawh pek a inhuam thu, a lo sawi tawh bawk.
Hetih lai hian, Aizawla a cham chhungin, Makuri hian hla thar a buaipui mek nia hriat a ni. Engtik hunah nge a tihchhuah dawn a, eng lam hla nge tih erawh a la sawi chiang duh lo thung.