Aizawl: Mizoram State Policy Coordination Committee (MSPCC)-in Bana Kaih impelmenting department hrang hranga dilna lut zawng zawng atangin mi 613 pawm tawh.
MSPCC chu nimin khan an Vice Chairman KC Lalmalsawmzauva, Adviser to Chief Minister hovin P&PI Department Meeting Room ah thukhawm a. Commerce & Industries department kaltlanga Bana Kaih Scheme hnuaia loan dilnate enhoin 25 an pawm.
Heti hian MSPCC chuan Bana Kaih implementing department hrang hranga dilna lut atangin mi 613 chu a pawm tawh a ni.
MSPCC hian dilna lutte hi a luhna department-in uluk taka a enfiaha, diltute nen inbiaa a hmunahte an finfiah hnuah thlifimin department committee, Minister ho a thuin pawm turin a thehlut thin a. MSPCC-in heng dilna lo lut te hi lo thlangchhuak lehin, partner bank-te kutah a thawn leh thin a ni.