Chief Minister Lalduhoma’n nimin khan a pisaah Aizawl City Local Council Association hruaitute a kawm a, Aizawl chu hmun ralmuana siam tul a tih thu a sawi.
Chief minister chuan tleirawl rual, mi sual rawn chingte an awm nia a hriat thu sawiin, tihtawp a tul thu a sawi a. “Khawlai hi zu rui emaw, buaina siam chingte lakah emaw fihlim se. Nunau leh hmeichhe tan pawha hmun ralmuang taka kan siam a ngai,” a ti.
Chief minister chuan local council-ten mahni area theuhah tlawmngai pawlte nena hma lo la turin a ngen a. ILP chungchang pawh dan lekkawh kawngah tanpuina an mamawh thu sawiin, No Objection Certificate (NOC) pek chhuahah pawh lo fimkhur leh zual turin a ngen bawk.
LC Association hruaitute hian an lawmman tihsan chungchang leh Aizawla an office hmun ve turte chief minister an ngen chungchangah an dilna te a lo zirchiansak tur thu a chah.
LC Association hian CM Relief Fund-ah Rs. 10,000 an chhunglut nghal a ni.