Kum 63 mi zaithiam Billy Ray Cyrus chuan a bialnu Elizabeth Hurley chu a duhna a zual fo thu a sawi a, kan tan chuan chhimbal ang maia rawng mawi tak chhuahtu a la ni reng, a ti.
Hurley,63 chu a nuna mi pawimawh tak, a dream thin ang mihring a la nih reng thu a sawi a, a instragram lamah a duhna leh amaha a luangliamna hi a tarchhuak nasa hle.
Billy sawi danin, an duhzawng leh ngainat zawng a inmil em em a, kum chu number mai nia hriain, an induhna leh hmangaihna erawh a la naupang chhia hle niin a sawi.
An ni pahnih hi an inzui ngawrh chho hle a, Billy Ray Cyrus fanu Miley Cyrus album thar tihchhuahna hmunah te kaldunin, an fate nen an chhuak ho nasa hle bawk.
Billy Ray Cyrus fa Miley Cyrus, 32 leh Elizabeth-i fapa, kum 23 mi model Damian Hurley te nen an film enho lai hmuh an ni bawk a, an fate thlengin an inpawhna leh inzawmna a la nghet tha hle niin sawi an ni bawk a, Elizabeth-i pawh hian an fate ho nen chuan hun duhawm tak an hmang fo niin a sawi ve bawk a ni.
Bawng tar pawhin luangno a thlan thona khawvelah hian inhmangaihna kawngah hi chuan kumte hi chu number mai a lo ni chiang hle tih Billy leh Elizabeth-i te inhmangaihna kawngah hian a hriat thar hle.