AZL: BJP Mizoram State President Dr K Beichhua, MLA chuan nimin khan Larsap Gen. VK Sing chu Raj Bhavan-ah kawmin Mizoram hmasawnna tura theihtawp chhuaha hmalakpui turin a ngen.
An inkawmnaah hian BJP president chuan Mizoram chu state pachhia leh hnufual tak a nih avangin kawng hrang hranga hmasawnna a neih theihna tura hmalakpui tur leh tandun pui turte, mipuite ei leh bar zawnna kawnga harsa tak takte hma khua ngaia, PM Modi hmalakna chhunzawm a, Sabka Saath Sabha Vikas tih anga mi tinin an chanvo diktak an chan theihna tura hmalak dun puiah a sawm.
Larsap Gen. Singh pawhin Dr K Beichhua chu BJP Mizoram State President a ni chu a lawmpui thu leh a rawt ang ngeia Mizoram hmasawnna tur atana theihtawp chhuaha thawhpuia tandunpui a lo tum thu lo hrilhin, Mizorama PM Scheme hrang hrang kalpui a nih dan leh hmalak dante pawh a tul anga enpuia a hlawhtlin theih nana hmalak a tul thu leh hrui khat vuana thawh dun a tul thu a lo hrilh bawk.
Dr K Beichhua hi Delson Notlia, MDC, BJP National Minority Secretary-in a tawiawm a ni.