Aizawl: Higher & Technical Education Minister Dr.Vanlalthlana’n Mizoram State University dinna tur, Luangmuala Govt Aizawl West College campus chu Nilaini khan a tlawh.
Mizoram State University dinna tur hmun a tlawhnaah H&TE Minister chuan mahni state puala university neih chu Mizo hnam rohlu a nih dawn avangin, Govt Aizawl West College hotute chu a hmun nghak an nih avangin duat tak leh thahnemngai taka enkawl turin theihtawp chhuah lehzual turin a chah a/ He University hi tu ta bil mah ni lo vin, Zofate zirna inpui a nih tur thu a sawi.
Mizoram State Assembly-in Mizoram University Bill 2025 a pass hnuah sorkar hmalaknain a hmun turte laih mek a ni a, University hnuaia awm tlak ni tura zirna in hrang hrang kalpui phawt tura ruahman a ni. Tunah hian SASCI sum Rs vbc 30.4 hmanga bul tan niin, sum mamawh dang hi Minister hian sorkar laipuiah a thlen tawh a. University hmun hi administration thuthmun atana buatsaih mek a ni.
University tlawhnaah hian West College Principal Prof. C. Lalthlengliana, H&TE department thawktute’n an lo dawngsawng a. Minister hi Education Consultant Rev Dr. K.Lalthanzauva’n a tawiawm a ni.