Tyson Fury-a chu kuminah ring chhungah la lut miah lo mah se Oleksandr Usyk-a hnek leh a duh niin British heavyweight promoter Frank Warren-a’n a sawi.
Kum 36 mi, Fury-a hi January thla khan WBA, WBC leh WBO champion Usyk-a laka vawi hnih a tlawm hnuah inhnek a chawlhsan thu a puang a. Usyk-a hian Inrinni hian Wembley-ah undisputed heavyweight bout-ah Daniel Dubois a hneh leh dawn.
Heavyweight champion vawi hnih lo ni tawh, Fury-a hi kum 2022 pawh khan a chawlh thu a lo puang tawh a; mahse, thla ruk hnuah a kir leh.
“Fury-a hi boxing chungchang sawipuiin kar tawp khan ka bia a. Kuminah a la inhneh lo,” tiin Warren-a chuan 5 Live Boxing podcast-ah a sawi.
“Gym-ah a lut leh tawh a, a inenkawl tha a, a taksa leh rilru lam pawh a tha a, dinhmun tha leh fit takin a awm,” a ti.
Tun thla tir khan Fury-a hian social media-ah Ukranian Usyk-a nen Wembley Stadium-ah a vawi thum nan April-ah an inhnek leh dawn tih a lo tar lang tawh bawk.
Dubois-a promoter ni bawk, Queensberry boss Warren-a chuan, “A rilru lam pawh a inpeih a, gym-ah a lut a, eng emaw tih chu a mamawh a ni,” a ti.
“Chiang takin Usyk-a hnek leh chu a duh tih a tilang,” a ti.