Aizawl: July 16, 2025 zan tir khan Vanlalhnuna (51) h/o Lalremmawia (L), Bawngkawn chu a chenna inah thia hmuh a ni a. Hemi chungchanga pawikhawihtua puh mi pahnih man an ni.
The Zozam Times thudawn danin, Vanlalhnua hi zan tirah a mut pindanah thia hmuh a ni a. An thudawn bawhzuiin Bawngpawn Police chuan thil thlenna hmun hi an pan nghal a. Vanlalhnua hian a khabe, a mit veilam leh a chalah hliam a tuar a ni.
He thihna thleng chungchangah kut inthlakna thleng nia hriat a nih avangin, Bawngkawn Police Station-ah FIR thehluh nghal a ni a. Police-te chuan thihna thlenna hmuna awm Felix Lalthansanga (25), Vaivakawn leh Cindy Zoramchhani (21), Lengpui Vengthar nia inchhalte chu rinhlelh thil thuah manin, thu an zawtfiah nghal a ni.
Police-in thu an zawhfiahna atangin Felix Lalthansanga hian Vanlalhnua chu kut a thlak ngei a ni tih a sawi a. Cindy Zoramchhani erawh chuan engmah a hriat loh thu a sawi ve thung.
Vanlalhnua hi Nilaini zan khan lumenpui a nih hnuah, nimin zing khan postmortem a nih hnuah chhun dar 12 khan vui liam a ni.