Aizawl: India rama khawpui fai inelna lian ber Swachh Survekshan 2024-ah Lunglei khawpuiin Promising Swachh Shehar of Mizoram Award dawng.
Nimin khan Vigyan Bhavan, New Delhi-ah lawmman semna hi neih a ni. He inelnaa Lunglei khawpuiin Promising Swachh Shehar of Mizoram Award a dawng a, he award hi UD&PA Minister K. Sapdanga; Vice Chairman, Lunglei Municipal Council K. Lalrinawma; Executive Councillor, Lunglei Municipal Council Malsawmtluangi Sailo; UD&PA Secretary Lalmalsawma Pachuau leh UD&PA Director, Jacob Lalawmpuia ten Union Minister, Ministry of Housing & Urban Affairs Manohar Lal hnen atangin lawmman hi an dawng a ni.
Award sem zawh hian Urban Development (UD) Ministers Conference neih nghal a ni a. Department thil pawimawh hrang hrang sawi a ni.