Tunlai hian Excise & Narcotics department (END) chuan Aizawl khawpui chhung fangkual thinin, hmun hrang hrang an fankualna ruihhlo ti thin, vakrawlai 100 chuang an awm thu an sawi.
Ruihhloin a tihchhiat leh a sawisak thalai tam tak an awm a, heng mite hi a thente chu an chhungte hnena khawsa ho thei tawh lo leh hawna tur nei tawh lote an ni fur lehnghal a, an khawngaihthlak rualin kan ram dinhmun hi a rapthlak lam hret tawh chu a ni.
Kohhran leh sorkar in siamthat tumin theihtawp an chhuah fo a, an insiamthat theih nan theihtawpin hma an la thin bawk. Insiamtha ta tam tak awm bawk mah se, ruihhlo ngaih hi a na em a, tlu leh ta an awm leh thin.
Ruihhloin kan ram hi min run zel a nih chuan kan hmabak hi a thim hle dawn. Kan khawtlang nun hi a ralmuang lo telh telh thei tlat bawk. Chuvang chuan ruihhlo do a, ti lo tura inzirtirna hi naupang zawkte atanga kan neih hi a va ngai nasa ta em.
END lam zirchianna leh an hmuhchhuah hi a tlem lo a, heng ho hian zawmpui an nei ngei dawn tih a hriatreng a, chuvang chuan khawtlang nun siamthat a, mahni theihna zawnah theuh zel hma kan lak tlan a tul e.