Aizawl: African Swine Fever (ASF) vangin kuminah Mizoramah vawk 5,959 a thi tawh a, vawk 2,009 suat a ni tawh.
AH&Vety Dept. chhinchhiah danin, nimin khan ASF vangin Lunglei District-a Zobawk, Ralvawng leh Dawn khuaa vawk pakhat theuh a thi a. Khawzawl district-ah Hermon-ah paruk, Kawnzar-ah pahnih, Darngawn-ah pathum, Arro leh Lungvar-ah pakhat ve ve a thi bawkin, a vaiin vawk 16 thi a awm.
Nimina vawk suat zat hi Lunglei district-a Lungpuizawl-ah pakhat, Zobawk leh Ralvawng-ah pahnih ve ve, Dawn-ah pathum a awm a. Khawzawl Vengthar-ah paruk leh Darngawn pahnih awmin, a vawiin vawk 16 suat a ni.
Kumin hian Siaha district-ah vawk thi leh suat a tam ber a, vawk thi 3,180 thu awm tawhin, vawk 935 suat a ni a. Lawngtlai-ah vawk 1,746 thiin, vawk 394 suat a ni tawh a. Lunglei district-ah vawk 345 thi tawhin, vawk 602 suat a ni tawh a; Khawzawl district-ah vawk 505 thiin, vawi 23 suat a ni tawh a; Mamit district-ah vawk 183 thi tawhin, vawk 55 suat a ni tawh bawk.
Heti hian ASF vanga Mizorama vawk thi 5,959 awmin, vawk suat tawh zawng zawng chu 2,009 a tling tawh a ni.