Aizawl: Siaha District Serkawr (Saikao) daia tipper chesualah mi pahnih an thi.
Thudawn danin, Zirtawpni zan dar 1 vel khan Tipa (Tuipang) atanga Kaochao (Kawlchaw) pana tlan tipper chu Saikao (Serkawr) atanga kilometre 1 vela hla, Missionary Violet Gate bulah chesualin, kawng thlang lamah a tlan liam.
Tipper-ah hian a khalhtu S. Beingachhi bakah lirtheia chuang Subita Kalkhawngaihsangi (30) leh L. Siabei (29), Tipa V-III vek an chuang a. Vanduaithlak takin a hmunah Subita Kalkhawngaihsangi leh L. Siabei chu an thi nghal a. A khalhtu S. Beingachhi erawhin hliam na lutuk a tuar lo hlauh a ni.
Subita Kalkhawngaihsangi leh L. Siabei te ruang hi Saikao (Serkawr)-a mi tlawmngaiten la chhuakin, kuang an siam sak a. An ruang hi Tipa panpui an nih hnuah Tipa damdawi ina postmortem niin, nimin khan vui nghal an ni.