Mal zai intihsiakna ngaihhlut hlawh ber zinga mi, Mizo Idol chu kumin hian buatsaih a ni leh dawn. Tun tumah hian judge hmel thar kan hmu ngei dawn.
Zonet buatsaih Mizo Idol hi kumin hi a vawi 8-na tur a ni. Tuna ruahman lawk dan chuan, he intihsiaknaa tel tur tan August 15-30, chhungin elimination video theh luh hun hawn a ni a. September ni 9 khian eliminational result puan a ni ang a. First round intihsiakna hi September thla chawhnu lamah neih a ni ang. September ni 27-ah first round result hi puan a ni dawn a ni.
Mizo Idol intihsiakna hi November ni 6 khian Grand Finale neih tura ruahman a ni bawk.
Tun tum Mizo Idol intihsiaknaah hian, kum hmasa lama judge – Rinzauva, Robin-a leh Vari te hmel kan hmu leh dawn em tih a chiang lo va. Thil chiang tak pakhat chu, judge thar hmel kan hmu ngei dawn tih a ni.
Tunah hian judge thar tur hming sawi rik ret ret a awm tan. Mahse, tunge a nih tih erawh la thup tlat a ni thung.