Aizawl: YouTuber pakhat lakah Mizoram State Commission for Protection of Child Rights (MSCPCR)-in FIR theh lut.
Thawhtanni khan MSCPCR chuan Aizawl Police Station OC, Lalnunmawia hnenah YouTuber, Michael Siakeng NicholasS lakah FIR a theh lut.
MSCPCR chuan ni July 18, 2025 (Zirtawpni) khan YouTube Channel neitu pali-te chu naupang pakhat harsatna tawk chu a nihna chhuichhuah theihna tura video, an YouTube Channel-a an upload avangin a summon a. A chhan leh avang sawi lova he huna inlan lo – Michael Siakeng NicholasS lakah hian BNS Section 206 – Absconding to avoid service of summons or other proceeding behchhanin FIR hi Commission aiawhin Darthakunga, Member, MSCPCR chuan a thehlut a ni.