Canadian tennis star Genie Bouchard chuan tennis khelh a chawlhsan dawn hnai tawh a, tun thla tawpa Montreal khawpuia National Bank Open a khelh zawhah a chawl ang.
Kum 31 mi Genie Bouchard hian 2014 ah khan Wimbledon final a luh bakah Grand Slam dang pahnihah semi final a lut bawk a. WTA ranking ah a thlen san ber laiin No. 5 a ni hman a, 2014 ah singles title a la a. Wimbledon final ah Petra Kvitova a hneh lo a, he mi kumah vek hian Australian Open semi final leh French Open semi final a lut bawk.
Genie Bouchard chuan, “A hun a thlen chuan in hre mai ang a, ka tan chuan tun hi chawlh hun chu a ni dawn ta a. Bul ka tanna Monteal ah hun tawp ka hmang leh dawn chiah a ni,” a ti.
2015 ah khan Australian Open quarter final a lut a, US Open ah locker room chhuat nala a tluk avangin a inhliam a, he mi hnuah hian ngai a awh leh thei ta meuh lo a. Hetah pawh hian fourth round a khelh dawnin a inhliam vang hian a inhnuhdawh phah a ni.
Bouchard hian 2023 ah khan Canada chu Billie Jean King Cup title a lakpui a, hei hi Canada in he title an lak chhun a la ni a. A vanglaiin singles record 299-230 a nei.