Eklavya Model Residential School thuneitu, Mizoram EMRS Governing Council chu an chairman, Lalduhoma, Chief Minister hovin nimin khan CMO Conference Hall-ah an thukhawm.
Tun tum hi Planning Department hnuaia Tribal Affairs dah a nih hnua thutnma hmasa ber a ni.
Mizorama EMRS School awm mek tihhmasawnna tur te, tam zawk an luh theih dan tur te, thawktua Mizo thalai tam zawk an luh theih dan tur te, sak belh leh tur sorkar laipuiin a lo phalsak tawh bawhzui dan te an sawiho.
Mizoramah EMRS hi 11 a awm mek a, paruk sak thar tur a la awm bawk a. Heng zinga pali DPR hi central-ah thehluh tawh a ni.
School tinah zirlai 480 zel awm thei tura ruahman niin Class 6 atanga 12 zir theihna school an ni a, zirlai naupangten engkim a thlawn vekin an dawng a. Thawktute hlawh pawh hi sorkar laipui tum vek a ni.