Kan ram chhung kawngte a chhe hle a, lirthei nei pawl thenkhatin tlan ngam loh a ni tia din an rel hnuah nitin mamawh hrang hrang a thleng tlem tan hle.
Sorkar hian ruahmanna han siam ve bawk thin mah se, chet chhuah thuai thuai a harsat tih a lang chiang reng a, tuna kan sorkar hrawn ngat phei hi chu inthlan hma atanga auhla tha tak tak nei, tihhlawhtlin mai theih sawitute kha an nih miau avangin mipuiin kan beiseina pawh a san tehreng nen, vawiin thlengin an that bikna hmuh tur a la vang viau.
Lirthei lian nei pawl thenkhatin din an rel avangin nitin mamawh a rawn lut ta mang lo a, oil thlengin harsatna kan tawk chho tan ta.
Mipui hian kan puh hmasak tur chu sorkar a ni a, sorkar hian chet a lak muan em avangin tunah pawh harsatna kan tawk chho dawn niin a lang a, a pawi ngawt mai.
Ei leh in mai ni lo, nitin mamawh hmanga inhrekna hi mihringte zinga thil thleng hlauhawm ber a ni a, sorkar hian chu chu hrerengin hna thawk thuai thuai se la, an sum sanction hmang hian hna tha tak thawk ngei bawk teh se.