Nikuma hlawhtling taka buatsaih a nih angin, kuminah Leitlangpui Music Festival buatsaih a ni leh dawn.
Leitlangpui Music Festival 2025 hi November ni 13-15, 2025 chhungin a hmun ngai, Pukpui Kawmzawlah buatsaih leh tura ruahman a ni a. Zai, lam, hnam thil leh kut them thiam thil pho chhuahna, thuam leh ei leh in chi hrang hrang zawrhna leh intihhlimna chi hrang hrangte buatsaih leh tura ruahman a ni.
Nikuma LMF buatsaih nan Ministry of Tourism atangin Rs nuai 25, North Eastern Council (NEC) atangin Rs nuai 10 leh Mizoram sorkar atangin Rs nuai 10, a vaiin Rs nuai 45 hmuh a nih thu leh, huaihawt leh buaipui ngai hrang hrang buaipui turin, event management agency (EMA) atan tender hmangin Brighter Co. leh BBY Animals te kum thum chhung atan inremna siampui an nih thu, LMF 2025 Working Committee thutkhawmah tar lan a ni.
Kumin LMF atan Tourism Ministry atangin Rs nuai 25 leh Mizoram sorkar atangin Rs nuai 25, a vaiin Rs nuai 50 hmuh beisei a ni.