AZL: NGO Coordination Committee (NGOCC) thukhawm chuan thenawm ram, Burma leh Manipur state-a tual chhung buainain a nghawng kal zelah Mizoram chhunga chibil rilru rawngkai hriat tur a awm chu pawi a tih thu an sawi.
Nimin tlaia Central YMA Committee Room-a NGOCC thukhawm chuan, Mizoram hi Zo hnahthlakte inlungrual taka an chenhona a nih avangin rambuai avanga Zo hnahthlak raltlan ten tuma’n chibil rilru pu lo tur leh an inunauna leh inpumkhatna tichhe thei zawnga ngaihtuahna seng lo turin an hriattir.
Mizoram chhunga sahimna zawnga raltlan awm te ruihhlo tawlh kawnga inhnamhnawih lo turin an hriattir bawk.