Aizawl: Peerless Hospital, Kolkata chuan an damdawi inah Mizo damloten enkawlna tha an dawng thei tih sawiin, inenkawlna senso pawh a bill let theih tih an sawi.
Inrinni khan Aizawl Press Club-ah chanchinbumite kawmin Peerless Hospital Associate vice president Indrajeet Banerjee chuan, “Mizoten hriselna kawnga inenkawlna tha zawk an dawn theihna atan nasa taka hmalak kan tum a ni,” a ti a. Dr. Ashok Bandyopadhay, senior consultant pawhin, “Kan damdawi in hi tunlai thiamna changkang hmanga thuam a nih bakah doctor thiamten an awm chilh,” a ti.
Zawhna chhangin Mizoram State Health Care Society kaltlangin damlo inenkawlna senso pawh a bill let theih tih sawiin, Aizawl-a damdawi in thawhpui tur an dap mek tih an sawi bawk.