Aizawl: Tlawmngai pawl Foundation For Drug-Free Mizoram buatsaihin The Salvation Army Tuikual South Young People (Y.P.) te zingah Pathianni chawhnu dar 1 khan ruihhlo that lohzia inzirtirna neih a ni.
Inkhawma zirtirna petu Prof. H.K Laldinpuii Fente chuan Mizoramah ruihhlo avanga buaina chuan rampum a fanchhuak tawh tih sawiin, thalaiten ruihhlo lama ngaihtuahna an hman zel chuan Mizoram chu a ngaihtuah awm hle dawn tih a sawi a. Ruihhlo tilo rual, chhuanthar an din dawn tih a sawi a. Pathianin mihring thluak min pek chu a ropui em avangin ruihhlo mai mai vanga tichhe phal lo turin a chah.
Foundation For Drug-Free Mizoram-a Life Member leh Miss Grand India 1st Runner Up ni bawk, V. Lalnuntluangi chuan thusawiin, ruihhloin thalaite nun a tichhe thin chu a vei hle tih a sawi a. A kalna apiangah pawl thuvawn ‘Ruihhlo tel lo nun duhawm zawk’ tih chu uar taka a tlangau pui zel tur thu a sawi.
V Vanlalnuntluangi chuan Y.P. mi 80 te intiamna kaihruaiin an pualin a tawngtaisak bawk.
The Salvation Army Tuikual South Corps hi kum 12 a upa niin, tunah hian kohhran member 400 an awm mek.