Aizawl: Mizoram State BJP President, Dr K. Beichhua, MLA chuan nimin khan Parliament Session chawlh laiin Union Finance Minister Nirmala Sitharaman a hmu a, Mizoram harsatna leh mamawh hrang hrangte a thlen.
Union Finance Minister nen an inkawmnaah Dr K. Beichhua chuan, tun dinhmuna Mizoramin chhan hrang hrang avanga harsatna a tawh mekte leh sum lama harsatna a neihte chu lo zirchiansak tur leh, tanpuina awm theitea kawng lo dap pui turin a ngen.
Union Finance Minister Sitharaman chuan an thil thlente chu lo enzuisak a tum thu sawiin, remchang hmasa berah Mizoram rawn tlawh a tum thu a lo hrilh a ni.
Delhi a cham mek, Mizoram BJP President chuan nizan khan Union Minister dangte pawh a dawr chhunzawm bawk.