Assam CM chuan Assam ram a dan lo a awm te chu hnawhchhuah turin hmalakna a nei mek a, hemi avang hian Meghalaya, Nagaland leh Manipur state te chuan inralrinna dar vaw ri mai lo in a khawn in an khawngri bawl bawl a, ramri ah force dah in an ram an veng mek a, chutih lai in kan ram chu kan la ngawi in engmah hmalakna ala awm lo in a lang a a pawi takzet zet a ni.
Tunah hian Assam a dan lo a awm hi nuai 29 aiin an tam a, heng ho hian min rawn chim huk chuan kan buai khawp ang le.
Vai dawr tam chak zia te, khawlai a vai sumdawng tam chak zia te, vai mistiri leh helper tam chakzia te, kan khaw kar kawng a vai hotel leh restaurant tam chakzia te hi thinthi a mut theihna a ni ta hauh lo mai.
Kan ngaihsamna leh kan inthlahdah bakah kan ram, in leh lo kan luah hawh tirna leh vai hnathawk kan chhawr tam zelna hian he ram, kan pi leh puten nunna leh thisen hmanga an lo humhalh leh vawiin a he hnam, an tu leh fate chenna tur a an lo sahzauh sa chu kan tu leh fate ngaihtuah lo in kan hralh mek zel chu a ni si a.
Hawh u, bengsik in he ram leh hnam hi chimral a kan awm loh nan hmalam pan in pheilai i khai teh ang u. Ram min petu leh kan pi leh pute he ram leh hnam tan a nunna hlan tute thisen pawh a zahawm alawm le.
Nang leh kei hian kan tu leh fate chenna tlak tur leh he hnam himna tur hian mawhphurhna kan nei a ni. Chu kan mawhphurhna chu kan hlen ngam dawn em? I ram leh hnam in a ko.mek che a ni.