Justin Baldonu leh a nupui Emily te chuan pa ber buaina tawh chhoh karah July ni 27 khan an inneih kum 12 na an lawm.
An nupa hian social media lamah an inneih cham an thleng leh chu an lawmzia an sawi ve ve a, an thlalak hlui hrang hrang an tarlang bawk.
An nupa hian July 2013 khan Corona, California-ah inneiin, fa pahnih – fanu Maiya,9 leh fapa Maxwell,7 te nu leh pa an ni mek.
It Ends with Us film siamtu Baldoni hian hemi film-a a changtunu bera a hman Blake Lively atangin nasa taka beihna a tawk chho zui a, court hial thleng chho rap rap mahse, an buainate hian kian lam pan zelin tunah phei chuan thiam a chang chho mek zel niin a lang a, a nupui fanaute hian an thlawp tlat thu an sawi bawk.
Baldoni te chhungkua hian Costa Rica lamah chawlh hahdamna hun an hmang mek niin report thenkhat chuan an ziak a, an inneih champha pawh hi am takin an hmang chho zui nia sawi an ni.