AZL: MHIP General Headquarters chuan July 27, 2025 (Pathianni)-a a pasal rawng taka thattu, Lalremruati chu a phu tawk hremna hmu ngei se an duh thu an sawi.
Nimina an thuchhuahah he tualthahna thleng hi pawi an tih thu leh Lalremruati’n a pasal Lalchhuanawma (39) rawng taka a that chu an dem a, dan ang ngeiin a phu tawk hremna hmu ngei se tih an duh thu an tarlang.
MHIP chuan hmeichhiate tana theihtawp an chhuah laia, Mizo hmeichhia ngeiin hetiang pawi rapthlak tak a khawih ta mai hi hriatthiam harsa an tiin, pawi an tih takzet thu leh tuna chinah hetiang thihna hi tu chungah mah thleng tawh lo se an duh thu an sawi bawk.