Rebecca Saimawii pawhin a music video thar tihchhuah hun tur a chiang ta.
Mizo Idol judge hlui hla thar tur hi — Hringnun — tih a ni. He hla hi tun thla tir lama Mizorama chawlh a rawn hman remchang chuhin, recording hi a ti a ni.
Hringnun — tih a music video thar tur hi, Rebecca hian engkim a peih fel vek tawh a. A music video pawh hi release hun a tichiang tawh — August ni 1, 2025, zan dar 8-ah a tichhuak dawn.
Rebecca hian a hla thar — Hringnun — tih hi a thu leh a thluk zawng zawng a phuah vek a ni a. He hla hi kum 2021 khan a track vel a siam zuk a. Mahse, Norway lamahte a zin san a, puitlin lohin a dah reng hnuah kumin tir khan tha tharin a buaipui thar leh a, a track siamsa pawh tlemin a her danglam hlek a ni.
A music video hnuhnung ber kha September ni 1, 2020 khan a tichhuak a. Hemi hnua a release hmasak ber turah Mizo musician tha rual a huikhawm a. Guitar-ah Jonah Ralte, keyboard-ah Sama, bass-ah Rema leh drums-ah Ben Opa-te a rawn hmang dawn a. Recording hi Kings & Prophets atanga indang tawh, Venghnuai lama Biaka recording studio-ah a ti a ni.
Rebecca hian single music video a tihchhuah hnuhnung ber chu September ni 1, 2020 daih tawh kha a ni.