Bangladeshi atanga vai raltlante hi India hmarchhak bikah hian vei tham an awm tawh a, Assam tak ngial pawh an buai ta.
Assam hian an rama dan lova awmte hnawhchhuah an tum a, hmalakna an kalpui chho tan mek. Kan hmarchhak state puite chuan heng mi hnawhchhuah turte hi an rama an luh ngawt an phal bik lo a, an lo inveng lawkin, invenna tur felfai tak an kalpui mek bawk.
Kan ram hi a ngaihtuahawm ta. Harh ang u. Heng zozaite hi an tam ania, i rin phak bak an ni ang. Kan Aizawl dai maiah rel a rawn lut dawn a, a ken tel tur hmahruaite chu heng dan lova Bangladeshi lo lutte hi an ni. A vai awmsa mah an tam tawk tihtawh laia an han rawn luh belh tur chu ngaihtuah thui ngam pawh a ni ta lo!
Kan ram hian chhantu a ngai a, kan ram chhung hmun hrang hranga vai hnathawk chu sawi loh, lirthei ke hnih leh ke li nei hmanga, zan rei pawh sawi lova vai tlan an tam tawhziate hi i awih lo hial zawk ang.
Vai pung ta zel hi vei a hun a, sorkar atang pawha hmalak a va hun em. Kan sumdawnna leh eizawnna thlenga min chimral hreh lotute an nih hi. Min chimral a, min hnehchhuh nasat hma ngei hian kan ram hi veng ila, sorkar pawh hian inralrinna dar lo khawng ri tawh mawlh teh se.