Thawhtanni zana Central YMA Executive Committee thukhawm chuan tun hnaia state thenawm, Assam-a Bangladesh atanga dan lo awmte hnawh chhuah an nih avanga lo inven dan tur a ngaihtuah.
Thutkhawmah hian Assam atanga hnawh chhuah te, thenawm state-a an luh lohna turin hma an la mek hlawm a. Mizoramah pawh eng emaw zat rawn lut ve thei an nih avangin, lo inven dan turah sorkarin ruahmanna a la siam lo a nih chuan, siam thuai tur leh ILP pek chhuah kawngah pawh fimkhur leh zual turin a ngen.
State dang atanga dan lo a lo lut te ven kawngah ramri a awm Sub-Headquarters, Group leh Branch YMA te pawh a tul anga hma la turin an inhriattir bawk.