Zaithiam Katy Perry leh Canada prime minister hlui Justin Trudeau te chu inhaw lo taka an thil eidun lai hmuh an ni.
Kartir khan an pahnih hian thil an eidun lai hmuh an nih avang hian umzuitu an nei zui nasa hle a, an kawppuite then ve ve mek an nih avangin inkungkaihna hnai tak siam an tum mek nia sawi an ni dun mek.
Kum 40 mi Perrty leh kum 53 mi Trudeau te hi eitur chi hrang hrang eiin, inhaw lo taka an awm dun lai hmuh an ni a, Perry hi a kawppui Bloom nen an inthen felna a la rei loh avangin umzuitu a nei pawh hi a awm lo hran lo titu an kat nuk nghal a, amah a lo hmeltha tel kher bawk nen.
Hun rei tak on-off a an awm reng hnuah a kawppui hlui ni ta Orlando Bloom nen an inthen fel hlim ni bawk, Trudeau lah a nupui Sophie Gregoire nen August 2023 khan an inthen thu an lo puang fel ve tawh nen, khawthlang lam media te umzui an hlawhdun chho mek a, an inkarah ri ret ret a awm chho nia ngaihna a awm pawh hi a awm lo hran lo viau.
Katy hian Bloom nen fa khat neiin, thuneihna inang hmangin an enkawl chho dun mek a, Trudeau pawh hian a nupui then tak Sophie nen chuan an fate thatna tura inzahtawn taka an la awm reng thu a lo sawi ve mek bawk nen, nuthlawi thar lam Katy hi mala a awm rei a rinawm loh hle.