Chelsea chuan Ajax defender Jorrel Hato chu £ maktduai 37-in an la dawn.
Kum 19 mi Dutchman hian kum 2032 thleng awm turin kum sarih daih contract a ziah rin a ni a, London khawthlanga zin phalna pawh pek a ni tawh.
Chelsea hian Hato-a hi thalai zawk zinga tlarhnunga hmun inchuhna tha a awm theihna atana an lak luh a ni a, tlarhnung vei lam leh a laiah pawh a khel thei.
Hato-a hian February, 2023 khan kum 16 leh ni 335 chauh niin Ajax tana inlanin Eredivisie-a inlan thei naupang ber pathumna a ni.
Eredivisie club tan hian vawi 75 khel tawhin Netherlands tan pawh kum 2023 atang khan a khel tan bawk.
Ajax chuan hralh hi an pawi ti lo va, kum hnih Champions League an khelh phak loh hnuah sum tuak nan an duh a. Tun season-ah hian Europe-a inelna sang berah an inlan leh ang.
Chelsea hi an inla ta nual a, an duhtawk hnai tawh tura ngaih a nih laiin mi dang pawh mekh an la nei.