Lindsay Lohan chuan Dubai nuam a tih thu leh nun nuam taka a hman thu a sawi.
Freakier Friday star, kum 39 mi hian tunhnaia an kawmnaah he thu hi sawichhuakin, Hollywood milar tam takte tana privacy neih a har em em laiin Dubai-ah chuan zalen takin, mahni duh ang angin a awm theih thu leh nun a nawm thu a sawi.
Engmah harsatna a awm lo, nun pangngai takin ka hmang a, thil ei tura chhuah pawhin inven reng a ngai lo a, ka fapa nen kan duh hunah thla kan la mai a, ka lo awm tawhna khawpui dang nen chuan nun a zalen bik khawp mai, a ti.
Lohan hi kum 2014 khan Dubai ah hian insawnin, a kawppui Bader Shammas nen an chengdun mek a ni. An nupa hian February 2020 khan a inzui tan a, kum 2022 ah inneiin, a hnu kum khat a liam leh chuan fapa Luai, kum 2 mi an nei a ni.
Los Angeles, New York City leh Dubai-ah te awmkual tawh Lohan chuan, khawpui dang aichuan a nun zalen a tih zawk thu sawiin, privacy inzahsakna zawng zawng leh inven reng ngai ang chi kha hetah chuan a awm lo, a ti a. Dubai-ah chuan nun hlimawm ang zawng zawng chu ka hmu vekin ka hria, a ti bawk.