Indona chhuah mekna, Sudan-a East Darfir state-a indona avanga tlanchhiate awmna hmuna ei tur kham ei tur an neih loh avangin thla hmasa chhung khan naupang 13 an thi niin damdawi thiamten an sawi.
Lagawa camp-a thawk doctor pawl, Sudan Doctors Network chuan ‘mihring dinhmun a chhe zel’ tih sawiin ei tur kham a vâng a, thla 27 zet tual chhung indona avangin riltam an tam tawh hle tih an sawi.
el-Daein khawpui chhunga awm camp-ah hian mi 7,000 vel an awm a, hel pawlin an bei fo bawk.
Ram hi nikum khan Sudan khawthlang lama Darfur region-ah a tla tih hriat tan niin a awh zau zel a ni.
Thawhlehni khan Lagawa camp chungchangah Sudan Doctors Network hian thuchhuah siamin, “Ram dang leh mihring dikna chanvo humhalhtute chu rang taka ei tur leh hriselna atana pawimawhte camp-a chengte hnena pe thuai turin kan ngen a, a bikin naupang leh nau pan tan a tul zual,” an ti.
El-Daein hi East Darfur khawpui niin state pum hi sipai nena inbei mek, paramilitary Rapid Support Forces (RSF)-in an thunun lai a ni.
Kum thum tual chhung indona a chhuah tawh chhungin mihring khawsak a harsa hle a, eibar zawn a har a, vantlang mamawh thil a vâng hle tawh a. Heng thil hrang hrang avang hian ei tur kham an hmu thei lo.
Tam a tlak mek bakah hian Darfur-ah hian tuihri a leng bawk niin tanpuitu pawl chuan an sawi.
United Nations chuan tuihri hi mi 1,500 chuang rinhlelh leh a kai an awm tawhna, Tawila khawpuiah June atang khan a leng nasa zual niin a sawi.
Tui leh inthiarna hmun chhe nasa leh invenna pek a harsat avangin tuihri a len theihna remchang a tam hle niin UN chuan a sawi bawk.
Sudan-ah hian April, 2023 atang khan sipai leh RSF inkara thuneihna inchuhna avangin indona a chhuak.
Tun hma chuan tang dunin sorkar an paih thla a; mahse, ram dangten mipui rorelna rama inlet tura an puih viau hnuah inrem lovin an inbei zui ta a ni.
Indona avang hian mihring khawsak khirhna ber ram ni mekin civil mi sang tel thah an ni tawh a mi maktaduai 12 chuanin an in chhuahsanin an tlanchhia a, maktaduai khat dawn tamin an awm mek.