Kawp lai nei lo ve ve an ni a, an tan chuan inzui mai loh chu tih tur a awm lo pawh a ni mai thei. Katy Perry leh Justin Trudeau te inkar chu a nghet zel nia tarlan a ni.
An pahnih erawh hi chuan thuthang hrang hrang awm chungchangah hian engmah thuchhuah an la nei lo a, an inzawmna erawh a nghet tan hle niin report thenkhat chuan an tarlang.
Report thenkhat phei chuan an inngaihven tawn hle a, an kalna tur leh an inhmuh theihna tur an ngaihtuah dun reng a, mipui chim buai lo thei ang bera la awm an duh niin an sawi a, an inkar chu thuthang mai a ni lo, a nghet tawh hle, an ti.
Kum 53 mi Trudeau hi kum 18 an inneih hnuah kum 2023 khan a nupui Sophie Gregoire nen an inthen a, fa pathum an nei hman. Kum 40 mi Perry pawh hi July thla tir lam khan Orlando Bloom nen an inkar titawpin, kum 2020 a piang fanu Daisy an nei bawk.
Kar liamta lam khan Perry hian Canada lamah concert neiin, VIP box lamah Trudeau pawh hi hlim takin a lo awm a, camera in a lak hmaih lo chiang hle. Perry hian tour a nei mek zel a, Canada PM hlui nen hian tour a neih zawh meuh chuan langsar taka an awm dun zui mai pawh report thenkhat chuan an ring hlawm a, an inkar hi a thain, an inkawp ngei tih sawi an ni nasa tawh viau a ni.