- George L. Ralte, Vaivakawn
Tunlai hian Mizo tawng ziah dan chungchang zir hona Mizorama Kohhran lian thenkhat ah neih a nih thu ka lo hre ve a, lawmawm ka tiin,Mizo tawng ziah dan kan inzirtir mek laiin,tawngkam kan hman dan chungchangah Mizo tawng kan hman dik zel dan tur pawh hi zir hona nasa zawk a kan neih a tul hle in ka hria.
Tun tumah pawh hian Pathian biak inkhawm neihna a,chanvo nei thin thenkhat a bikin Pathian biak inkhawn hruai thin ten tawngkam an hman dan chungchang,tlem a zawng ka rawn thai lang a ni.
Pathian biak inkhawm hruaitu thenkhat te hian an thutna atangin an lo ding chhuak chiah a, kan lo tan dawn tawh ang a, tiin emaw kan lo tan tawh ang a, tiin tawngkam hmang hriat tur a awm leh thin.Chutiang a ti tawh lovin Pathian chibai i buk ang u,tiin emaw, Pathian thu i lo ngai thla ang u tiin emaw hman ni zawk se.Pathian biak inkhawm tan tawh hnu a,tantu han sawm leh thin te hi a fuh lo mai thei.Pathian biak inkhawm kan tan tawh chuan tantu dang sawm tawh lovin, entirnan baibul chhiar a hun hmang turin Pu K.Lalnghakliana i lo sawm ang tiin tawngkam hman ni bawk se.
Thawhlawm tih leh thilpek tih chungchang ah pawh hian ngaih dan a in ang lo hlawm mai thei.Tun hma khan Kohhran thenkhat ah chuan Pathian biak inkhawm hruai thin ten thilpek tih leh thawhlawm tih hi an hman pawlh thin a, tun hnai deuh atang khan thawhlawm tih hi hman tam zawk a lo ni ta a,hemi chungchangah hian kei ka ngaih dan ah chuan, tun hma atang khan thawhlawm tih tawngkam hi Pathian biak inkhawmah hian hman zel atan a tha ka ti.
Pathian biak inkhawm a thusawitu/thu hriltu thenkhat ten thusawina/thu hrilna an neih hmain emaw, thusawi/thu hrilna an neih zawh ah emaw, Pathian hnena an tawngtai hian min aw Lalpa hmangaih thintu ti a, tawngkam hmang hi an awm thin a,thintu tih tawngkam hi hmang tawh lovin,hmangaih tih lai hi kan hmang duh a nih pawhin, Lalpa min hmangaihtu tiin emaw hman zel ni thin se.Tin Pathian hnena kan tawngtai a, thil kan dil thin hian, Pathian hnena kan tawngtai kan tih tawp dawn hian,chung zawng zawng chu kan Lalpa Isua Krista hmingin chung zawng zawng chu kan dil a che ti duah lovin, Isua hmingin chung chu kan dil a che tiin hman thin ni bawk se.Hei hi thusawitu/thu hriltu tan bik chauh ni lovin,baibul chhiar a hun hmangtu te,thawhlawm hlan thin te, leh,Pathian biak inkhawm hruai thin te pawhin, kan hman tam a tha khawp mai.
Pathian biak inkhawm kan tin dawnin emaw, kan ban dawnin emaw, Pathian biak inkhawm hruaitu thin ten entirnan kan hun tih tawp nan emaw kan hla hnuhnung atan Kristian hlabu number 500 na i lo sa ho ang u ti a, tawngkam hmang lovin,Pathian kan fak leh kan chawimawi nan, Kristian hlabu 500 na i lo sa ho ang u tiin hman thin ni se.