Aizawl: Lunglei leh Lawngtlai inkar kawngpui Bualte daia leimin avangin lirthei eng emaw zat an tangkhang hnuah, nimin tlai khan lirthei te chu an tlan tlang.
Thudawn danin, Thawhtanni chhun thleng khan leimin avanga tangkhang mi 100 bawr te chu Thualthu Branch YMA hmalaknain Thualthu Bazar Shed ah Inrinni zan khan eirawngbawlsak an ni a. Heng khualzin tangkhangte hi a remchan dan angin mi mal inah semin an riak a. Pathianni tukah Bazar shed-ah vek Branch YMA te’n tukthuan an buatsaih sak leh a ni.
Lawngtlai/Siaha lam pan tur lirthei eng emaw zat chu Thualthu daiah Pathianni chawhma atang khan an tang tan a, a hnai vaiah lei laihna khawl a awm loh avangin, heng lirthei tang eng emaw zatte hi YMA Thualthu Branch hmalaknain, Pathianni chawhnu atang khan nam chhuah thin an ni a. Inrinni zan thleng khan Chhimlam pan tur lirthei, chirhdiaka tang te chu thirtiang, suahdur leh bawngtuthlawh etc. hmangin thenfai thin niin, lirtheite hi namchhuah leh thin an ni.
He tih lai hian, nimin tlai dar 5:15 vel atang khan, lirthei te chi an tlan tlang tir tan a ni.