Aizawl: Mizo Students’ Union (MSU) hruaituten nimin khan Mizoram Public Service Commission (MPSC) Chairman R Lalramnghaka chu a pisaah kawmin Mizoram chhung district danga offline exam center din chungchang an sawipui.
MSU hruaitute chuan thalai hna zawng mek, Aizawl pawna chengten an hna zawnna kawnga sum an sensote a tlem theih nan district hrang hrangah exam center changtlung tak din turin an ngen.
MPSC Chairman chuan an ngenna chu tha a tih thu a lo sawi a. MPSC Combined exam thenkhat chu district dangah school leh hall remchang hawha an kalpui mek thu a sawi a. Theihtawpa a lo bawhzui tur thuin a lo hrilh.
MSU hruaitute chuan MPSC hmalakna avanga UPSC Civil Services Examination (CSE)-a Mizoram ngeia mains exam a theih tawh dawn avangin thawktu zawng zawngte hmalaknaah lawmthu an sawi a. An hmalakna hian Central Service a Mizo thalaite an luhna kawngah awlsamna a thlen ngei an beisei thu an sawi bawk