Mizoramah kum 2021 atang khan Vawk hri African Swine Fever (ASF) kan hre tan a, he hri avang hian vawk vulhtu tam tak an mangangin, harsatna an lo tawk tawh bawk.
Vawiin thleng hian hri hian min la chenchilh a, record-a a lang thei chinah ringawt pawh ASF vanga vawk thite 69411 an tling tawh.
Vawk vulhtu tam tak an mangang a, an beidawng tawh a, sorkar lam atang lahin inhnemhnanna tham zangnadawmna engmah an dawng lo bawk.
Vawksa kan ei nasa a, vawksa ei nasa leh duh tak hnam pawh kan ni. Mahse, kan vawkte a pul mek a, vawiin thlengin hri lengin a la chenchilh a, a tihrehna leh a invenna lam kan ngaihsak tawk lo nia lang hi a veiawm hle.
Vawk chantate zawng zawng an lainatawm a, patling engmah tih theih nei tawh lo, kut benga awm tate hmel hi hmuh a hrehawm asin. A ngaihtuah theihna zawn zawnah tanpui dan tur ngaihtuah ila, hri leng venna kawngah theihtawp i chhuah thar teh ang u.