AZL: New Delhi-a cham mek, Chief Minister Lalduhoma leh National Handloom Development Corporation Limited (NHDCL) Managing Director Commodore Rajiv Ashok-te chu nimin khan Mizoram House-ah an inkawm a, Mizorama Yarn dawr (Warehouse) siam dan tur te an sawi dun.
An inkawmnaah hian Mizorama office hrang hrang leh sorkar hmun pawimawha local handloom product hman tam dan tur te, product tha leh tlo zawk a awm theih nana modern electronics Jacquard handloom uar ve dan tur te, weaver ho thiamna tihsan zel dan tur leh state pawna an intihlar deuh deuh theih dan tur te, National Handloom Development Corporation Limited mithiamten Mizoramin nasa zawka hma a sawn theih dan tur ruahmanna an siampui dan tur te leh Mulberry atanga yarn siam chhuah tam zawk Mizoramin a neih theih dan tur an sawi dun a ni.
Chief Minister hi R. Lalrodingi, OSD to CM leh Lalrinawma Khiangte, PS to CM ten an tawiawm.