Aizawl: Mizoram Territorial Army Battalion (Home & Hearth) din tura ram ngaihtuahtu tur committee a din, Coordination & Land Search Committee for Establishment of the Mizo Territorial Army chairman Lt. Col. Clement Lalhmingthanga, MLA hovin nimin khan MTA lak dan tur leh an awmna tur sawiho a ni.
Secretariat Conference Hall, MINECO-ah thutkhawmah hian, MTA lo awm lailawkna tur chu Bung Bangla-ah siamthat mek niin, an hmunpui tur pawh uluk leh zau zawka enchho tura ruahmanna siam a ni. MTA recruitment hi kumin November thla bawra neih theih tura beisei a ni a, a bul tan nan Mizo hlang awmna Company hnih din phawt tura ruahman a ni.
Thutkhawmah hian Home Dept, Finance Dept, Sainik Welfare & Resettlement, Land Revenue & Settlement, PWD, PHE, P&E, I&PR, GAD leh MYC aiawhte an tel a ni.