Aizawl: Mizoramah drug do beihpui thlak a ni dawn a. Kumin chhungin state pawn atanga ruihhlo rawn lut zawng zawng dah chah beihpui thlak tum a ni.
Nimin khan Home Minister K Sapdanga hovin, a pisa-ah Mizorama drug hluar zel venna atana beihpui thlak dan tur rela thutkhawm a ni. He hunah hian Excise Minister Lalnginglova Hmar, Home leh Excise department hotute leh Central YMA hruaitute an tel.
Home Minister K Sapdanga kaihhruai thutkhawmah hian, Mizoramah drug do beihpui thlak an rel a, September thla atanga December thla chhungin state pawn atanga drug rawn lut zawng zawng dan chah beihpui thlak an rel. Mizoram leh hnam a lo him nan mipuite he beihpui thlak tawiawm tur hian an sawm a ni.