Eberechi Eze chungchangah Arsenal leh Crystal Palace chu a thuphungin an inrem a, tun kar chhung hian Arsenal hian an lak luh hman rin a ni.
Tottenham chuan an dawr ngar ngar a, hetih lai hian Kai Havertz a inhliam hnu lawkah Arsenal chuan forward thar an dap a, Eze nen inremna an nei nghal a ni.
Arsenal leh Palace hi £ maktaduai 68-in an inrem a, hei hi Tottenham-in lei an ngamna zat chiah a ni a. Mi mal thil chungchangah chuan harsatna a awm lo a, Eze hian Arsenal zawm a duh zawk a ni ber.
Kum 27 mi hian Nilaini zan Uefa Conference League a khel hman ta lo a, North London-ah medical nei turin a kal nghal.
Eze hi tun nipuia Arsenal player thar pasarihna a ni a, goalkeeper Kepa Arrizabalaga, defender Cristhian Mosquera, midfielder Martin Zubimendi leh Christian Norgaard, winger Noni Madueke leh striker Viktor Gyokeres te an la lut tawh a ni.